Þátttaka Frakka í Arctic Circle ráðstefnunni
Hópur franskra vísindamanna sótti Arctic Circle ráðstefnuna, ásamt André Gattolin þingmanni.
Þessir fulltrúar Frakka sátu í ýmsum nefndum þar sem sérþekking þeirra á sviði loftslagsbreytinga, haffræði, stjórnarhátta, mælitækni eða mannfræði kom í góðar þarfir. Ségolène Royal, ráðherra umhverfismála, sjálfbærrar þróunar og orkumála, bauð hópnum til hádegisverðar þar sem málin voru rædd og sjálf tók ráðherrann þátt í umræðum á ráðstefnunni laugardaginn 17. október. Hún átti líka fund með Ólafi Ragnari Grímssyni, forseta Íslands, þar sem fjallað var um jarðhitamál og COP21 umhverfisráðstefnuna.